А. И. Софронов – Алампа төрөөбүтэ 125 сылыгар аналлаах «Уоланнар аа5ыылара» күрэх сценарийа.

То5ус күн толбонун курдук Толбонноох ньуурдаах, Үс күн үөрдүспүтүн курдук Үтүөкэн дьүһүннээх. Таңас бүтэй Тамана сандаарар, Эт бүтэй Уңуо5а көстөр, Уңуох бүтэй Силиитэ дьалкыйар. Таңара табатын курдук таңныбыт, Сир симэ5ин курдук симэммит, Кыыс о5о барахсан Минньигэс – миньигэстик Мичилийдэ, Чараас – чараастык Чыпчылыйда. Сүрэхтээх эрэ Сүүдүйүөн курдук, Көрбүт эрэ Кө5үйүөн курдук.

1 вед.: Бүөбэйдэнэн иитиллибит Рязанскайдар, Никулиннар, Слепцовтар уонна Тимофеевтар көрүөххэ эрэ сө5үмэр, истиэххэ эрэ эриэккэс кындыа кылыс кыргыттара эһиэхэ талба талааннарын, сытыы өйдөрүн, нарын – намчы таһааларын анаары тир курдук тирэнэн, ох курдук оңостон,кустук курдук куоһанан кэлэн тураллар. Ытыскыт тыаһын харыстаамаң, бол5омто5утугар ууран, сүргэ5ит көтө5үллэн олорон биһирээң, астының, үөрүӊ – көтүң, алгыскыт алыптаах тылынан көмөлөһүң, үтүө санаа5ытынан уруйдааң – айхаллааң! Биир тылынан, ис сүрэхтэриттэн дьүүллүүр сүбэ чилиэннэрин билиһиннэрэрбин көңүллээң: ___________________________________________________________________________________________ II 2 вед.: Күрэхпит маңнайгы түһүмэ5эр кыргыттарбыт дириӊ ис хоһоонноох алыптаах тылынан, чуор куоластарынан кимтэн кииннээх, хантан хааннаах буоллаларын этэн – тыынан эйээриэхтэрэ, бэйэлэрин билиһиннэриэхтэрэ. Бастакы нүөмэринэн түһүлгэ5э ыңырабын:Рязанская Олесяны. 2 нүөмэрдээх кыттааччы: Слепцова Паша 3 кыттааччы: Тимофеева/ Диана 4 кыттааччы: Никулина/ Айыына III 1 вед.: Улахан үлэттэн уһаарыллар, киһиэхэ эрэ барытыгар бэриллибэт, өбүгэттэн анаммыт, айыл5аттан айдарыллыбыт талыы - талба талааннарын көрүӊ, сыаналааӊ! IV 2 вед.: Күөн көрсүһүүбүт 3 түһүмэ5инэн кэрэчээнэлэрбит булугас өйдөрүн бэрэбиэркэлээн, эриирдээх ыйытыылары биэриэхпит. Кыргыттарбыт ыарахан диэн толлубакка, мунаахсыйбакка, киэң – холку санаалаах, булугас толкуйу, эппиэти булан, кыайыыга дьулуурунан кынаттанан көхтөөхтүк эппиэттиэхтэрэ диэн эрэнэбит. Боппуруостар: 1. Эйиэхэ төрөөбүт күӊӊэр бэйэ5эр урут баар эбэтэр сөбүлээбэт кинигэ5ин бэлэхтээтилэр. Эн реакциян? Бэлэхтээбит киһиэхэ туох диэххиний? 1 вед.: 2. Сыыһа5ын сирэйгэр эттэхтэринэ хайдах ылына5ын? ( кыыһыра5ын, бол5ойон истэ5ин, көннөрө5үн) 2 вед.: 3. Эйиигин дискотека5а кыратык испит, билбэт уолуӊ үӊкүүгэ ыӊырда. Эн реакциян? (улгумнук үнкүүлүү бара5ын эбэтэр «бырастыы гын, мин эйиигин билбэппин» диэн аккастыыгын) 1 вед.: 4. Остолобуойга эбэтэр рестораӊӊа до5отторун ортолоругар эйиэхэ буорту буолбут ас түбэспит, хайыыгын? V музыкальный номер VI 2 вед.: Аныгы киһи сиэринэн тутта – хапта, таңна – симэнэ сылдьыы, үүммүт үйэ, билиӊӊи бириэмэ хардыытыгар сөп түбэһэр буолуохтаах. Ол эрээри, саха кыыһа - сахатынан кэрэ! Кини таңаһы таңнара - саптара, бэйэтин ис киирбэх кыраһыабай бодотун түһэн биэрбэт, Саха сиэрин кэспэт курдук, киһи хара5ын сымнатыах курдук үчүгэй буолуохтаах. Дохсун ытыс тыаһынан көрсүӊ таӊара табатын курдук таӊныбыт, сир симэ5ин курдук симэммит бэйэ5э сөп түбэһэр аныгы таӊастаах кэрэ куоларбытын! VII. 1 вед.: Ылба5ай ырыа - Саха салгын кута, Саха тыынар салгына. Дьүрүһүйэр саха хомуһа - Сир ийэ сиэдэрэй бэлэ5э, Дууһа кылын дор5ооно. Көмүс түөстээх күөрэгэйдэрбит, алтан түөстээх далбарайдарбыт үрүң тунах ыһыа5ы уруйдуур, бар дьону э5эрдэлиир уус - уран толорууларын дуоһуйа истиэ5иң! IX 2 вед.: Аны билигин кыргыттарбыт, ас амтаннаа5ын талан, симээн – киэргэтэн оӊоһуллубут фирменнай бүлүүдэлэрин эһиги дьүүлгүтүгэр таһаараллар. X 1 вед.: Эһигини аралдьыта таарыйа көрдөөх оонньуулары ыытыы XI музыкальный номер XII 2 вед.: Кыыс - сүрэх чопчута, дууһабыт туллуга. Кыыс – ырыа, музыка дор5ооно, бар дьону толору дьоллуурга, күн айбыт, анаабыт о5ото. Бүгүңңү күрэхпит түмүктүүр түһүмэ5инэн нарын – намчы кыргыттарбыт талба таһааларын, нарын мичээрдэрин бэлэхтээн киэһээңңи былааччыйаны көрдөрүүлэрэ буолар. Ытыс хабыллар тыаһынан түһүлгэ5э көрсүң:______________________________ XIII музыкальный номер XIV 1 вед.: Дьэ, саамай долгутуулаах түгэммит үүннэ, тылы биэрэбит дьүллүүр сүбэ дьоһун дьонугар:_____________________________________________________________________________________ XV 2 вед.: Өссө төгүл, бүгүӊӊү күрэх кыайыылаа5ын __________________________________ сүһүөхтээх бэйэбит сүгүрүйэн, хоолдьуктаах бэйэбит хоңкуйан туран, сахалыы сайа5ас тылынан уруйдаан, итиитик – истиңник э5эрдэлиибит! Эдэрдии эрчимнээх, чэгиэн – чэбдик бэйэлээх, үөрүү-көтүү үктэллээх, дьол – соргу тосхоллоох, толкуйдаабыккын тобула, санаабыккын саргылыы сырыт диэн алгыс бастыңын аныыбыт, э5эрдэ эриэккэһин этэбит! Кэнэ5эһин да үгүһү айа – тута сырыт, өссө үрдүктэн үрдүк ситиhиилэрдэн!!!!!!!!!!!!! 1 вед.: Түмүк. Сахалыы сайа5ас алгыспыт, эдэрдии эйэ5эс э5эрдэбит эһиэхэ эрэ ананнын күндү күрэх кыттааччылара, кэрэ куоларбыт! Көрсүө сэмэй бэйэ5итин Кырыктаах харах хаарыйбатын Намыын – номо5он бэйэ5итин Суостаах тыл сарбыйбатын Эһигинниин олоххут суолугар Аламай эрэ дьон аргыстастын Элэккэй эрэ дьон эӊэрдэстин До5отторгут толору дьоллооттуннар Атастаргыт аартыкка айхаллаатыннар. Кэскиллээ5и кэрэхсээӊ, Ыллыктаа5ы ыраӊалаан, Ылсыбыккытын ыһыктымаӊ, Санаабыккытын саппа5ырдымаӊ. Кэрэни эрэ кэрэхсээӊ, Үтүөнү эрэ түстээӊ, Үйэлээ5и үксэтиӊ, Кэскиллээ5и кэӊэтиӊ, Дьоллоох буолуӊ Кэрэ – мааны Кэбэргэнэ куолара!

Ис сурэхтэн тахсар иьирэх тыллары сып-сылаастык сипсийэн туран бүгүӊӊү үөрүүлээх дьоро киэhэбитин са5алыырбытын көӊүллээӊ! 2. Бүгүӊӊү үөрүүлээх, кэрэ-бэлиэ күнүнэн нэһилиэк общественноһын уонна олохтоох дьаһалта аатыттан э5эрдэтин тириэрдэр:_______________________________ ___________________________________ 3. Ырыа – олох аргыhа Ырыа – санаа кыната, Ырыа – дууhа иэйиитэ Ыллаа, ыраах дьиэрэтэ. Бүгүӊӊү дьоро күӊӊэ эhигини э5эрдэлиир Матрена Рязанская. 4. Иитээччи…киhи сүрэ5ин ортотунан киирэр, сырдык иэйиини са5ар, сып-сылааhынан илгийэр аптаах тыл… Истиӊ э5эрдэтин, бэйэтин алгыhын тириэрдэр детсад сэбиэдиссэйэ Анна Михайловна Садовникова. 5. Иитии үлэтигэр бэhис сылларын үлэлиир күндү дьоммутугар Марианна Петровна5а, Николай Николаевичка үгүс түбүктээх үлэ5ит иһин махталбытын биллэрэбит. Детсад үлэтэ эһигини салгыппатын, о5ону иитиигэ өссө уһуннук үлэлээң диэн туран э5эрдэ нүөмэрбитин аныыбыт: _________________________________ 6. Оонньуур-күлэр о5олордоох, Олус кэрэ оонньуурдардаах Детсад, детсад. Ырыа-тойук Дьиэрэһийбит Остуоруйа Истэр сирбит Детсад, детсад. Хара чо5ул харахтардаах кырачааннарга ыллам ырыаны ыллатан элбэх талланнаах о5ону уhуйбут Анна Николаевна уонна сэбиэдиссэйи хаhаайыстыбаннай өттүгэр солбуйааччы Раиса Гаврильевна 10 сыл устата эӊкилэ суох, эппиэтинэстээх үлэ5ит иhин муӊура суох махталбытын тиэрдэбит. ___________________ толоруутугар ___________________. 7. Күндү Аркадий Ильич, Елена Гаврильевна уонна детсадпыт саамай ийэлээтэр ийэтэ Анна Михайловна, 15 сыл устата о5олорбут тустарыгар ахсаабат кыһамньыгыт, эйэ5эс сыһыаӊңыт, үтүө сүбэ5ит, у5араабат тапталгыт иһин махтанан туран, туйгун доруобуйаны, дьолу-соргуну ба5арабыт уонна бэлэхтиибит ________________________________________________________. 8. Күндү Светлана Дмитриевна эн 25 сыл устата иитии эйгэтигэр үлэлээтин, 8 төгүл оӊой-соной көрбүт отон курдук о5олору үөрэх-билии аартыгар атаардыӊ. Кинилэри, кыра саастарыттан сырдыкка, кэрэ5э тардыһар туһугар иитэн таһаарбытың иһин истиң махталбытын тиэрдэбит. Тапталлаах иитээччибитигэр дьоллоох оло5у ба5аран туран, __________________________________ бэлэхтиибит 9. Үчүгэй ээ эмчиттээх, Үтүө врач биэлсэрдээх. Ыалдьартан куттаммаккын Ытыы, ыксыы сыппаккын Күндү Раиса Гаврильевна, эйиигин Үөрэх Министерствота бочуотунай грамотанан на5араадалаабытынан итиитик-истиӊник э5эрдэлиибит, махтанабыт уонна киэн туттабыт. (__________________________________) 10. Үңкүүгэ, ырыа5а Көхтөөхтүк кыттарга, Иллээхтик оонньуурга, До5ордуу буоларга, Хоһоону аа5арга, Ахсааны билэргэ, Барыны сатыырга Элбэххи-ии, элбэххэ… Үөрэтэр киhибит Октябрина Борисовна! Бүгүӊӊү күӊӊэ үөрэн-көтөн туран «Надежда Якутии» бэлиэнэн на5араадаламмыккынан ис сүрэхпититтэн э5эрдэлиибит, ба5арабыт эйиэхэ5э туйгун доруобуйаны, дьолу-соргуну уонна ______________________________________________ аныыбыт. 11. Билиини, киhилии сиэри – майгыны ханнык да5аны үпкэ – харчыга атыылаhыаӊ суо5а. Арай ону барытын биэриэ5э иитээччи. Иитэччи үлэтэ иӊэн – сүтэн хаалар анала суох, иитээччи айар … Киhини! Саӊа үлэлээн эрэр иитээччилэрбит Снежанна Семеновна, Нюргуяна Владимировна, Анна Егоровна, Мария Пахомовна! Хоруй күүппүт хара чо5ул харахтардаах кырачааннар барахсаттар, чуораан тыла буолан чугдаара сылдьалларын туhугар , иитээччи үрдүк аатын бүөбэйдээн илдьэ сылдьан үлэлээӊ -хамсааӊ. 12. –Детсад иһэ ып-ыраас, Детсад иһэ сып-сырдык. Дьэ, үчүгэй буолбат дуо, Сууйар-сотор дьоннордоох? Күндү ньээңкэлэрбит Елена Гаврильевна, Марианна Дмитриевна, Наталья Юрьевна! Күнүн аайы бэрт эрдэттэн кырачааннарбытын тотороору, минньигэс, тотоойу аһы астаан түбүгүрэр повардарбыт Ирина Петровна, Елизавета Дмитриевна эhиэхэ бары кэрэни, үчүгэйи ба5аран туран __________________________________________аныыбыт. 13. Күндү детсад бары үлэһиттэрэ! Билэргитин, сатыыргытын о5олорго анааңңыт, кыракый дьоннорбут кыахтарын өйөөңңүт, тулуургутун, дьо5ургутун туох баарын түмэңңит, иһирэх ийэлии иитэн таһаараргыт иһин эһиэхэ5э махталбытын тиэрдэбит уонна сэмэй бэлэхтэрбитин туттарабыт.